نــــــــــــــــافذتـــــــى

نــــــــــــــــافذتـــــــى

26‏/11‏/2009

ياترى فى عيد تانى ولا ايه ربنا يستر



كل عام والجميع بخير
كل سنه بنقول كل سنه وانتم بخير والسنه الجاى مع بعض فى المسجد الاقصى
وللاسف بيجى السنه اللى بعدها ومنكونش مع بعض فى المسجد
طب تفتكروا ليه ....
اكيد اصلا السبب مننا
والله انا دايما بقول يابخت اهل القدس
بصرف النظر عما يحدث بهم يكفى انهم بيصلوا
يكفى ان هناك قد تكون فى صحبه جيده تعين ع الطاعه
ولا ع الاقل بتصبر على مايحدث
المهم

ادعوا الله فعلا من كل قلبى ان العيد الجاى نصلى فى الاقصى
وكلى امل فى ان يجيب الله دعائى
وده بعد ما يجد الله فينا صدق النيه
والصدق فى العمل
يااااااااااااااارب

23‏/11‏/2009

تــاج


التاج وصلى من مدونه (بدايات )

اسمك؟

عبيدة الرحمن  



سنك؟
18سنه



اسم مدونتك؟

نــــافـذتــى



مجال دراستك؟
أصول الدين







هل فكرت فى اغلاق مدونتك؟والسبب؟
لا...لانى بحبها من قبل ما تتعمل  



ايه رد فعلك لو حد قل ادبه عليك في المدونه؟
اكيد هدايق بس انا دايما بحب المسايسه






أسوا مدونه دخلتها؟
حتى الان مفيش

هيحصل ايه لايميلك بعد ماتموت؟
معرفش بس هطلب من اهل بيتى انهم يفتحوا باستمرار 

ويعملوا بيه حاجه تكون فى ميزان حسناتى



اديت الباسورد لحد قبل كدة؟
ياااااااااااه كتيييير 

والدى ووالدتى واخواتى كلهم



السفر بالنسبه ليك؟
والله...هو تعب شديد بالنسبالى





المود بتاعك اية؟
حاليا...الحمدلله تمااام



بتعمل اية فى وقت فراغك؟
بدخل نت



الاكلات المفضلة؟
مكرونه بجميع انوعها

والشاورما 
وطبعا الجمبرى والسبيا



الصفات التي اخدتها عن والدك؟
الصرامه

فى بعض الاحيان الجديه
وحاجات تانيه...



الصفات التي اخدتها عن والدتك؟
عن والدتى ...اعتقد مفيش



اكتر 6 حاجات بتحبهم؟
1- الحريه
2- الرضا
3- الصداقه
4- الحب
5- الامان
6- التعرف ع اصدقاء من جميع انحاء الوطن العربى

اكتر 6 حاجات بتكرهم؟
1- الكذب
2- الخيانه
3- الدكتاتوريه
4- الكره نفسه
5- قلة الايمه


شخصيتك نوعها ايه؟
مش عارفه بس ممكن تكون فى بعض الاحيان هوائيه

وفى البعض صارمه وغالبا عصبيه



لماذا دخلت عالم التدوين من الاساس؟
والله دخلت كده بالقدر يعنى 
وحبا فى اثبات نفسى ووجودى



اهميه التعليقات بالنسبه لك؟
مهمه جداااا 

اكيد بتحسسنى بالامل
وبتدينى دفعه للامام



احلي بوست كتبته مع ذكر السبب؟
تألمت فتعلمت..اول حاجه نزلتها فى المدونه غير انى حساها اووووى


افضل مدونه قريتها؟
حتى الان (لسه عايش)

اهميه الانترنت بالنسبالك؟

حــياتــى



اهداء التاج؟

اممممممم

...اصلى لسه جديده فى الشغلانه دى فمعرفش مدونات كتير

14‏/11‏/2009

تألمت .. فتعلمت


تألمت .. فتعلمت



 أحببت وكرهت
فرحت فحزنت
ضحكت فبكيت
ولكنى رغم كل الألم .. عِشت
!! .. وهذه خلاصة دنياى مع تجاربى
تعلمت
أن جرحى لايُؤلم أحدا فى الوجود غيرى
وأن بكاء الناس من حولى .. لن يُفيدنى بشىء
تعلمت
أن أجمل إبتسامة .. هى التى ترتسم على شفتى فى عِزّ ألمى
وأن أثمن الدموع وأصدقها .. هى التى تنزل بصمت دون أن يراها أحد
تعلمت
ان أفرح مع الناس .. وأن أحزن وحدى
وأن دواء جراحى الوحيد .. هو رضاء ربى على
تعلمت
أننى اذا كنت أريد الراحة فى الحياة يجب أن أعتنى بصحتى
واذا كنت أريد السعادة يجب أن أعتنى بأخلاقى وشكلى
وأننى اذا كنت أريد الخلود فى الحياة يجب أن أعتنى بعقلى
وأننى اذا كنت أريد كل ذلك ..
يجب أن أعتنى أولاً .. بدينى
تعلمت
أن لا أحتقر أحدا مهما كان
فقد يضعه الله موضع ..
تعلمت
أن لكل إنسان عيب
وأن أخف العيوب .. مالا يكون له أثر سىء على من حولنا
تعلمت
أن الكثير منا كالأطفال
نكره الحق لأنه نتذوق مرارة دوائه .. ولا نفكر فى حلاوة شفائه
وُنحب الباطل .. لأننا نستلذ بطعمه ولا نبالى بِسمّه !!
تعلمت
أن جمال النفس يُسعدنا ويُسعد مَن حولنا
وجمال الشكل يُسعد من حولنا فقط
وأن من علامة حسن الأخلاق .. أن تكون فى بيتك أحسن الناس
أخلاقا.
تعلمت
أنه ربما كان الضحك دواء .. والمرح شِفاء
تعلمت
وأنى حين أضيع نفسى .. أجدها فى مناجاة الله
وحين أفقد غايتى ألجأ الى كتاب الله
تعلمت
أنه لو كنا متوكلين على الله حق التوكل لما قلقنا على المستقبل
ولو كنا واثقين من رحمته تمام الثقه لما يئسنا من الفرج
ولو كنا موقنين بحكمته لما عتبنا عليه بقضاؤه وقدره
ولو كنا مطمئنين إلى عدالته لما شككنا فى نهاية الظالمين
وأن لله جنودا يحفظوننا ويدافعون عنا
وأن الحياة مدرسة تربوية ..
لو أحسن المهموم الإستفادة من همه ..
لكان نعمة لانقمة .. !!

ــــــــــــــــــــــــــــــــــــــــــــــــــــــــ
هذا الموضوع عباره عن اقتباسات واضفت عليه الكثير
حتى اصبح هكذا بمعنى انه ليس من تأليفى الشخصى